Aínda que xa
pasou bastante tempo dende o Magosto e
as actividades que fixemos do Outono, gustaríame facer un pequeno resumen para que virades como o traballamos, e o ben
que o pasamos na festa do colexio.
Estoume
remontando un pouquiño atrás para mostrarvos as actividades do primeiro
trimestre, pouco a pouco iremos poñéndonos ó día e colgarei as máis recentes!!
Comezamos a
traballar a chegada do outono con un mural de follas secas!!
Fixemos unha
clasificación de follas, pola súa forma, cor, tamaño….e cando as tivemos
ordenadas pegámolas en un gran mural!
Outras das actividades traballadas no Outono comezou
despois de ler un conto que nos gusta moito: “O polo Pepe”. No conto fálanse de
diferentes tipos de cereais (trigo, millo, cebada…) e coa axuda da profe Oliva
decidimos facer unha actividade traballando o millo.
Debullámolo, peneirámolo, xogamos cos seus carozos…e
aproveitamos para botarlle un pouco de auga e amasámolo, traballando así todo
tipo de texturas. Na clase non temos forno, pero iso non impediu que probaramos
cómo sabería o pan de millo…e sabedes que? Gustounos moito!!!
Ademais das
actividades da aula, no cole tamén celebramos a chegada do Outono, e fixémolo
coa festa do Magosto!!!
Foi un día moi
divertido no que tivemos de todo.
Primeiro fixemos unha “yinkana” con xogos
variados (tiro da corda, maquillaxe, debullar millo, proba de froitos de outono...). Entre todos os nenos/as de Infantil fixemos varios equipos que
rotaron polos diferentes xogos.
Tanto xogo deunos
moita fame así que collemos os nosos cestos que decoramos para a ocasión, e
fomos a buscar as castañas asadas, típicas da festa!!
No hay comentarios:
Publicar un comentario